HATAW! D'yaryo ng Bayan hatawtabloid.com
Sina Ray-Ray ng Cabuyao Laguna, Princess Cañete of Antipolo City, Icon Martin ng Bulakan, Bulacan, ang itinanghal na Grand winner mula Zambales na si Shammah Alegado, ang naglaban noong Sabado sa Grand finals ng “Hype Kang Bata Ka.”
Nagpakitang gilas ang apat sa kani-kanilang mga talento pero ang higit na nag-standout sa kanyang Michael Jackson number gamit ang kanyang talento sa husay sa pagtugtog ng violin ay si Shammah.
Naka-score ng 93% ang nasabing winner mula sa mga judges na sina Ice Seguerra, Gen Manager ng Center For Pop na si John Jesus Manuel, at Direk Manman Agsico na Resident Vocal Coach ng Philippine Theater.
Tumataginting na P100K ang naiuwing cash prize ni Shammah at P20K naman para sa First Runner-Up na si Princess. Pinuri rin ni Ice ang mga nasabing grand finalists, “Grabe ang level up ng mga bata ngayon. May nagba- violin, mga bulilit ibang klaseng sumayaw, wonderful singer na napakalinis ng boses and of course acrobatic ba ‘yon, nakaka-wow talaga.”
Ang “Hype Kang Bata Ka” grand finals ay inihatid ng Aji Savor on Rice at Birch Tree Fortified Choco.
VONGGANG CHIKA!
ni Peter Ledesma
