Digong sa PSG lang puwedeng magmotorsiklo (Hinigpitan ng PSG)

INAASAHAN ng Presidential Security Group (PSG) na pangunahing target ng asasinasyon ng New People’s Army (NPA) si Pangulong Rodrigo Duterte.

“We expect that the President is number one in their list,” sabi ni PSG Commander BGen. Jose Niembra sa press briefing kahapon sa Palasyo.

Tiniyak ni Niembra, may sapat na kakayahan ang PSG para proteksiyonan ang Pangulo.

“So as to the preparations and heightening of our security procedures, amin na lang ‘yun. But rest assured, we’re doing something to protect the President,” aniya.

Nauna rito’y sinabi ni National Security Adviser Hermogenes Esperon, Jr., na nakatanggap ng intelligence information na target likidahin ng NPA ang Pangulo.

Gayonman, hindi mapipigilan ng banta sa kanyang buhay ang hilig sa pagmomotor ng Pangulo pero mahigpit ang tagubilin sa kanya ng PSG na sa loob lamang ng PSG compound ito puwedeng gawin.

(ROSE NOVENARIO)