HATAW! D'yaryo ng Bayan hatawtabloid.com
ISA si Jillian Ward sa bida sa TV series na Prima Donnas na tinatampukan din nina Aiko Melendez, Wendell Ramos, Katrina Halili, Chanda Romero, Benjie Paras, Sofia Pablo, Jillian Ward, Althea Ablan, at iba pa. Mula sa pamamahala ni Direk Gina Alajar, mapapanood ito Mondays-Fridays, 3:25 pm sa GMA-7.
Kasama sa tatlong prima Donnas sina Althea bilang Donna Marie, Sofia bilang Donna Lyn, at si Jillian bilang Donna Belle. Nagpatikim nang kaunti si Jillian sa role niya sa kanilang serye sa Siyete.
“Ako po rito si Donna Marie, ‘yung pinakaresponsable po sa aming magkakapatid. Ako po
‘yung parang pangalawang nanay nila Donna Belle at Donna Lyn, kasi po nahiwalay kami sa nanay namin noong bata pa lang po kami,” saad niya.
Ano ang reaction niya dahil this time isa na siya sa bida sa serye ng GMA-7?
Tugon ni Jillian, “Medyo ninenerbyos din po kasi siyempre first ever role ko po talaga na mas matured na… may laman na po talaga ‘yung mga eksena, hindi na po katulad ng dati na parang laro-laro lang po para sa akin ‘yung kapag nasa set ako.”
Ano ang masasabi niya sa casts at kanino siya pinaka-close rito?
“Close naman po ako sa lahat, kasi mababait po sila at madali pong katrabaho. At siyempre po masaya ako talaga, kasi pinagkatiwalaan na naman po ako ng GMA-7 sa project na ito.”
Dagdag ng magandang young actress, “Sina Althea and Sofia po ay nakatutuwang kasama. Actually, sa set po ay parang magkapatid na rin po kami.
Bale ang pinaka-bonding po namin sa set, kasi ay magkakasama po kami sa tent, kaya kapag po walang eksena, pinapatay po ang ilaw at nagmu-music po kami and naglalaro ng Mobile Legend, tapos nagkukuwentohan po, ganyan.”
ALAM MO NA!
ni Nonie Nicasio
