Drug-free workplace sa Makati sinimulan na

INILUNSAD kahapon ng Philippine Drug Enforcement Agency (PDEA) ang adbo­kasiya ng Drug-Free Work­place sa siyudad  ng Makati.

Layunin ng advocacy program na maitaguyod ang drug-free workplace sa loob ng high-end sub­divisions, hotels, condo­miniums at warehouses sa lungsod.

Kaugnay nito, hinikayat ng PDEA ang mga may-ari ng mga establisimiyento kabilang ang security officers na magpatupad ng kanilang sariling drug free work place program, turuan ang kanilang mga emple­yado sa masamang epekto ng dangerous drug at ang pagsasagawa ng random drug test sa lahat ng opisyal at empleyado.

Ang anti-drug advo­cacy program ay hindi lamang para itaguyod ang drug free work place, kundi ilagay sa isipan ang kama­layan sa modus operandi na ginagamit ng mga drug syndicate tulad ng paggamit ng high-end subdivision, hotels, at condominium bilang drug dens, gayondin ang laboratories at ware­houses upang itago ang kanilang illegal activities.

Ayon kay Gregorio Pimentel, Deputy Director General for Operation ng PDEA, layon din ng progra­ma na turuan ang mga may- ari ng mga establisimiyento (hotels, bars, restaurants, condominium, subdivisions at warehouses) na tukuyin ang potential drug labo­ratories, drug dens, at drug warehouses dahil ginagamit ito ng drug syndicates sa paggawa at pag- iimbak ng illegal drugs dahil mahirap itong ma-detect gaya ng ipinapakita sa mga anti-drug operations ng PDEA kamakailan.

Ayon kay P/Lt. Agnes Bueno, ng Station Community Affairs and Development Section ng Makati City Police, 12 mula sa 32 barangay sa lungsod ng Makati ang itinuturing na drug free. (JAJA GARCIA)