HATAW! D'yaryo ng Bayan hatawtabloid.com
PINAYUHAN pala ni Dennis Padilla ang anak na si Julia Barretto na magpahinga muna sa social media. Ito ang naibahagi ng aktor nang matanong ito ukol sa kanyang anak sa media conference ng bagog handog na pelikula ng Viva Films, ang Sanggano, Sanggago’t Sangwapo na pinagbibidahan nilang tatlo nina Andrew E., at Janno Gibbs.
“Sabi ko magpahinga muna siya sa social media. Mas maganda kung magbakasyon muna. Kung wala naman pa siyang shooting o hindi pa busy, lumayo muna siya sa social media kasi hintayin na lang niyang mag-die down kung anuman ang issue,” paliwanag pa ni Dennis.
Natanong din si Dennis ukol kay Gerald Anderson. Kuwento ng aktor, “nag-text muna ako kay Gerald. Kasi noong lumabas ‘yung issue nga tungkol sa kanila ng anak ko. Tapos tumawag siya at nagka-usap kami. Ini-remind ko lang siya na, ‘pare, anak ko ‘yan.’ So, alam na niya ‘yun.”
Samantala, nagpapasalamat silang tatlo na muli silang pinagsama ng Viva para gumawa ng pelikula. Matatandaang dekada ‘90 nang sumikat at nagtagumpay sina Andrew E, Janno, at Dennis sa larangan ng komedya. Napatunayan ang kanilang chemistry sa ‘97 film na Si Mokong, si Astig, at si Gamol. Makalipas ang dalawang dekada, magandang mapanood muli ang kanilang brand of comedy na pumatok sa kanilang mga Gen X fans at gagamitin para aliwin ang mga millennial viewer sa kasalukuyan.
Sa Setyembre 4 na mapapanood ang Sanggano, Sanggago’t Sanggwapo kasama ang kanilang mga love interest na sina Louise delos Reyes, Cindy Miranda, at Vanessa Wright. Narito rin sina Julian Trono, Vitto Marquez, at Andrew Muhlach.
May special participation din si Eddie Garcia na sinasabing pinakahuling pelikulang nagawa ng aktor bago maaksidente.
SHOWBIZ KONEK
ni Maricris Valdez Nicasio
