Ken Ken, bahay ang wish na regalo kay Coco

BAHAY ang birthday gift na gustong matanggap ng Child Wonder na si Ken Ken Nuyad sa actor/producer/director na si Coco Martin na kasama sa action- serye, FPJ’s Ang Probinsyano.

Kuwento ni Ken Ken sa kanyang latest movie na The Fate ng Star Film Entertainment Production na idinirehe ni Rey Coloma na showing na sa August 25.

“Birthday ko na po sa August 30,” nakangiting pahayag ni Ken Ken.

So anong gusto mong matanggap na regalo kay Coco? “Gusto ko pong matanggap na regalo kay kuya Coco ay bahay. Kasi po nangungupahan lang po kami, wala po kaming bahay.

“Naaawa na kasi ako kay mama kasi marami siyang binabayaran, kaya sana magkaroon kami ng bahay.”

Bukod sa bahay, wish ni Ken Ken ang magkaroon ng maraming trabaho para may pera silang pambayad ng inuupahang bahay at gastusin.

Nagpapa­pasalamat din ang bagets sa producer ng The Fate dahil isinama siya sa pelikulang ito na ‘di lang sa Pilipinas mapapanood, dahil ililibot ito sa iba’t ibang festivals pa sa ibang bansa.

MATABIL
ni John Fontanilla