Marineros, bagong advocacy film ni Direk Anthony Hernandez

MAY bagong advocacy film na naman ang prolific filmmaker na si Direk Anthony Hernandez. Ito’y hatid ng Golden Tiger Films at pinamagatang Marineros. Ang pelikula ay tinatampukan ng veteran actor na si Michael de Mesa.
Ang ilang eksena sa kanilang pelikula ay kukunan pa sa Hong Kong.
Nagkuwento si Direk Anthony sa kanyang latest movie. “The casts of Marineros are Michael de Mesa, Ahron Villena, Valerie Concepcion, Claire Ruiz, Jon Lucas, Jef Gaitan, Alvin Nakasi, Moses Loyola and Paul Hernandez.
“I am very thankful to all the casts of Marineros because they delivered more than I expected. Itong movie is a family drama that tackles about the life of a seafarer, it is a heart warming film that can give a lesson to everybody to treasure everyone’s effort and appreciate the fruit of their labor,” saad ni Direk Anthony.
Dagdag niya, “Although this is my first time to work with direk Michael de Mesa, I am very thankful to him. As far as I know, this project is his comeback movie. At gumaganap siya rito ng isang very challenging role bilang si Dennis Marisol, a former seaman that suffers blindness cause by his accident during his duty at the ship.
“Sobrang bilib po ako sa kanya, sa galing nang pagkakaganap niya sa character na ibinigay sa kanya. Happy ako dahil kahit direktor na siya, makikita mo ang pagmamahal niya sa trabaho, and very professional talaga si Direk Michael.”
Incidentally, congrats kay Direk Anthony at Ms. Aiko Melendez dahil ang pelikula nilang Tell Me Your Dreams ay napili sa anim na kalahok sa 2nd Subic Bay International Film Festival (SBIFF) na magaganap mula June 21 to 23, 2019. Ang iba pang kalahok na pelikula rito ay Rendezvous, Maid In London, 1957, Jesusa, at Kids of War. Sina Vic V. Vizcocho Jr. at Arlyn Dela Cruz ang festival directors ng SBIFF.

ALAM MO NA!
ni Nonie Nicasio