HATAW! D'yaryo ng Bayan hatawtabloid.com
BIÑAN CITY – Patay ang isang lalaking umano’y miyembro ng criminal group nang manlaban makaraan ihain sa kanya ang search warrant sa lungsod na ito, nitong Martes ng gabi.
Aktong ihahain ng mga pulis ang search warrant laban kay Rolando Bugarin nang nanlaban umano at nakipagbarilan sa mga pulis.
Ayon sa pulisya, sa Laguna nagtago si Bugarin na isa umanong miyembro ng “Pogi Criminal Group.” May report na sangkot siya sa iba pang krimen sa Ilocos region.
Lumalabas sa record ng pulisya na kasama si Bugarin sa drug watchlist sa lungsod na naging basehan ng paghahain ng search warrant.
Ayon kay S/Supt. Kirby John Kraft, dawit sa robbery holdup at pagtutulak ng droga ang grupong kinabibilangan umano ng suspek.
Mayroon din umanong mga miyembrong gun-for-hire ang grupo.
Nakuha sa lugar ang ilang sachet ng hinihinalang shabu at ang baril na ginamit umano ni Bugarin.
(BOY PALATINO)
