DALAWANG estasyon ng pulisya ang pinapurihan sa lalawigan ng Laguna sa isinagawang Monday Flag Raising Ceremony sa pangunguna ni P/Col. Ricardo Dalmacia, Laguna PPO Provincial Director, nitong Lunes, 27 Enero.
Iginawad ang medalya ng papuri sa hepe at mga miyembro ng Majayjay MPS para sa matagumpay na pagsasagawa ng police operations laban sa wanted person noong 13 Enero sa Brgy. Ibabang Banga, Majayjay na nagresulta sa pagkakadakip sa suspek na kinilalang si Geraldo Dela Cruz sa bisa ng warrant of arrest para sa mga kasong Acts of Lasciviousness sa ilalim ng Art. 336 ng RPC kaugnay ng RA 7610.
Nakatala ang naarestong suspek bilang most wanted person sa provincial level.
Ginawaran ng Medalya ng Papuri sina P/Maj. Jordan Aguilar at P/SSg. Rhumsey Aragon.
Iginawad din ang Medalya ng Papuri sa hepe at mga miyembro ng Magdalena MPS para sa matagumpay na police operations laban sa wanted person noong 12 Enero sa Brgy. Malaking Ambling, Magdalena, na kinilalang si Orlando Lalo sa bisa ng warrant of arrest para sa tatlong bilang ng kasong ng qualified rape.
Nakatala bilang most wanted person sa provincial level.
Iginawad ang Medalya ng Papuri kina P/Maj. Sherwin Concha at Pat. John David Alvaro. (BOY PALATINO)
