HATAW! D'yaryo ng Bayan hatawtabloid.com
HINDI pa kompleto ang cast ng pelikulang Popoy en Jack, the Puliscredibles, isa sa official entries sa darating na Metro Manila Film Festival 2018, na pinagbibidahan nina Vic Sotto at Coco Martin.
Si Coco ang isa sa producers ng pelikula. Ikinukonsider niya na mapasama rito si Maine Mendoza. gusto niya kasing makatrabaho ang ka-loveteam ni Alden Richards.
“Honestly, I would love to do a movie with her. Pero hindi pa maayos ang schedule,”sabi ni Coco.
Kung sakaling mapapasama sa Popoy en Jack, siguradong malaking tulong si Maine sa paghatak ng manonood. Sikat kasi ang dalaga, marami itong fans, ‘di ba?
‘Yung movie kaya ni Vice Ganda na Fantastica: The Princess, the Prince and the Perya na kasali rin sa MMFF 2018, sino pa kayang big stars ang makakasama rito?
Si Vice lang kasi ang big star sa kanyang pelikula. Pero kung sakaling, wala nang ibang big star na ilalagay sa pelikula,sa tingin namin, magiging blockbuster pa rin ito. Grabe naman kasi ang dami ng mga tagahanga ni Vice, na lahat ng pelikulang ginagawa niya ay tinatanggkilik ng mga ito. Wala pa siyang pelikula na nag-flop sa takilya, sa totoo lang.
MA at PA
ni Rommel Placente
