HATAW! D'yaryo ng Bayan hatawtabloid.com
MAY mga reklamo tayong natatanggap tungkol sa nangyayaring kalakalan diyan sa Bureau of Immigration (BI) one-stop-shop sa loob ng Clark Field, Pampanga.
Ilang locators na rin ang nagpaabot ng hinaing nila sa DIAL 8888 Duterte.
Usad-pagong raw kasi ang mga transaksiyon diyan magmula nang tumigil ang pagbibigay ng “service fees” o ‘gayla’ para sa mga naglalakad ng kanilang papeles diyan.
Service fee!?
Kailan pa nagkaroon ng service fee ang isang sangay ng gobyerno?
Ano ‘yan, restaurant?!
Garapal naman yata masyado kung hihingi ng service fee ang mga tao riyan sa BI Clark One-Stop-Shop?!
Alam ba naman kaya ng hepe riyan ang umiiral na sistema?
Nasaan na ang tinatawag na serbisyo publiko kung hihingi ng kabayaran sa bawat serbisyong Ipagkakaloob sa tao?
Hindi naman ‘ata tama ‘yan!
Magmula raw kasi nang higpitan ang mga empleyado ng one-stop-shop diyan tungkol sa mga fixing activities ay tila nawalan na rin sila ng ganang magtrabaho.
Ang siste, pinahihirapan umano ang mga aplikante, pinababalik-balik, sandamakmak na rekisitos at kung ano-ano pang delaying tactic sa processing.
In short, red tape pa rin!
Juice colored!
‘Yan na nga ba ang sinasabi ko, may domino effect talaga ang nangyayaring ito.
Kung talagang hindi matutugunan ang issue tungkol sa nawalang overtime pay ng mga immigration employees na ‘yan, patuloy pang lalala ang magiging sistema sa buong ahensiya.
Agree ka ba rito, BI-Clark chief Mr. Raul Gagambino ‘este Lambino!?
BUS TERMINAL
SA TUTUBAN
WALANG CR
SIR Jerry, ang alam po namin mahigpit na ipinag-uutos ng pamahalaan na ang lahat ng terminal ng bus lalo ‘yung malalayo ang biyahe ay kinakailangan maglagay ng comfort room bilang bahagi ng komportableng biyahe. Pero bakit po dito sa Tutuban na pinipilahan ng Baliwag Transit, German Espiritu, Aguila, RL at iba pa ‘e wala man lang CR para sa mga pasahero? Sino po ba ang dapat magpaalala sa mga establishment na dapat silang maglagay ng CR lalo na kung bus terminal? Salamat po.
– Concerned Commuter
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
