Tulad ni Digong na may pusong bato

HALOS maglupasay at maglumuhod si Communist Party of the Philippines (CPP) chairman Jose Maria Sison pero hindi pa rin siya pinapansin ni President Rodrigo “Digong” Duterte sa kanyang pakiusap na bamalik sa negotiating table para sa usapang pangkapayapaan.

Matapos kasing ibasura ng NPA ang kanilang unilateral ceasefire, inakala ni Joma na maduduro niya si Digong, pero sa halip, ang hindi inaasahang pagbasura sa mismong peace talks ang isinagot sa kanila ng pangulo.

At ngayon, ang mga umaastang komunistang kongresista kabilang na ang mga legal front organization ng CPP ang mismong nananawagan at halos magmakaawa kay Digong na muling ituloy ang peace talks.

Pero hanggang ngayon wala pa ring tugon si Digong sa mga pagmamakaawa ni Joma na muling ituloy ang usapang pangkapayapaan. Parang may pusong bato si Digong dahil hindi niya pinakikinggan ang pagsusumamo ng mga dogmatikong komunista.

Maihahambing tuloy sa awiting Pusong Bato ang pagmamakaawa ni Joma… “Di mo alam dahil sa ‘yo/Ako’y di makakain/Di rin makatulog/ Buhat nang iyong lokohin/Kung ako ay muling iibig/ Sana’y di maging katulad mo/ Tulad mo na may pusong bato/Tulad mo na may pusong bato…”

Para kina Digong at Joma, Happy Valentines sa inyong dalawa!