Project Tokbuk inilunsad sa Valenzuela (Para sa OSY)

INILUNSAD ng pamahalaang Lungsod ng Valenzuela ang “Project Tokbuk,” naglalayong matulungan ang out-of-school youths na makabalik sa paaralan o makakuha ng vocational couse na naaayon sa kanilang interest o kasalukuyang hanapbuhay.

Ayon kay Valenzuela City Mayor Rex Gatchalian, layon ng kanyang administrasyon na mapabuti ang estado ng buhay ng mga Valenzuelano na hindi na nagsisipag-aral, na matulungan ng proyektong “Education 360 Invest Program”.

Sinabi ni Gatchalian, na-inspire siya sa Oplan Tokhang ng pamahalaan kaya inilunsad ang Project Tokbuk na naglalayong manghikayat sa mga kabataan hanggang edad 24 na sumailalim sa programang ito.

Layunin ng programa na hikayatin ang mga OSY na hindi nakatapos ng haiskul, na magpatala at magpa-evaluate upang makakuha ng Alternative Learning System o ALS sa ilalim ng programa ng Department of Education.

Samantala, ang mga nakatapos sa haiskul at hindi nakatuntong sa kolehiyo ay maaaring kumuha ng kursong vocational na naaayon sa kanilang interest o upang palawigin ang kaalaman sa kasaluku-yang hanapbuhay.

Positibo ang punong lungsod na maaabot nila ang target nilang bilang ng mga OSY sa pamamagitan ng mascot na si Tokbuk na kasama ng grupo na unang nagtungo sa Brgy. Canumay East

“I am optimistic that Education 360 will be another successful project for Valenzuela OSYs.”

Base sa 2013 Functional Literacy, Education and Mass Media Survey (FLEMMS) na inilabas ng Philippine Statistics Authority noong nakaraang taon, ang bilang ng mga OSY – edad anim hanggang 24 – sa bansa ay apat milyon mula sa kabuuang 36 mil-yong populasyon ng mga kabataan.

( JUN DAVID )