A Song of Praise, may tatak UNTV!

NANINIWALA si Richard Reynoso na dapat saluduhan sina Brother Eli Soriano at Kuya Daniel Razon sa kanilang proyektong UNTV’s A Song of Praise (ASOP) Music Festival na grand finals ng ngayon, November 7, 7 pm sa Araneta Coliseum.

“Dapat po talagang saluduhan sila, kasi sila naman po ang nakaisip nito. Wala na pong nakaisip pa ng iba, kahit siguro ibang competition, taon-taon po ginagawa ito. Pero eto pong competition, lingo-linggo na po ginagawa, may grand finals night pa. So, wala nang makakaisip pa nito, napakahirap… na mayroon pang nagawang ganito na ibibigay lang ng libre eh (yung mga CD),” saad sa amin ni Richard.

Iyong iba, pinagkakaperahan ang ganito, pero iba sa UNTV dahil libre lang ang mga CD at ipinamimigay nyo talaga, di ba?  “Opo, opo, you have to walk the talk, kung hindi e syempre unang-unang masisilip kami. I mean imagine, they have the means, kaya naman nila eh, kaya naman nila gumawa niyan mag-isa. Like I said they’ve been doing these for years, but what did they do, noong ginawa nila sa TV, they asked me, they asked Toni Rose to host it.

“We’re not part of the church… they got jugdges that’s not even part of the church. Para talaga makuha natin yung pinakamagaling, kaya kahit talaga mga Muslim, kinukuha namin. Kung kaya ninyong lumaban, puwede. Pasok lang kayo, kasi naniniwala po tayo na iisa lang naman yung Diyos natin, kahit ano pang pangalan yan, iba-iba man ang pangalan, iba iba man ang ideology, iisa lamang po ang Diyos natin na gumagabay sa atin.”

Masasabi mo ba na itong ASOP ay tatak UNTV talaga? “Opo, talagang tatak UNTV itong ASOP. Kaya we are just so happy, that in the Star Awards for TV, we were awarded talent show program last year,” saad pni Richard.

Sina Richard at Toni Rose Gayda ang hosts ng UNTV’s A Song of Praise (ASOP) Music Festival na ang Grand Finals ay ngayong 7 pm, sa Smart Araneta Coliseum.

Labingdalawang Songs of Praise ang magtatagisan para sa Song of the Year award na ang mananalo ay tatanggap ng kalahating milyon piso. Ang mga awiting ito ay galing sa monthly winners na nagsimula noong November 2015. Ang grand champion dito ay tatanggap ng P500,000 cash prize, samantalang ang non-winning entries ay makakakuha ang bawat isa ng P20,000. Ang Best Interpreter Award at ang People’s Choice Award ay kapwa tatanggap ng P50,000.

Kabilang sa listahan ng grand finalists ang: God Will Always Make a Way-Composition and Lyrics by Glenn Bawa and Ronald Calpis (interpreter-Bugoy Drilon), Tapat Mong Pangako-Composition and Lyrics by Gulliver Enverga (interpreter-The Voysing), Ikaw Lamang-Composition and Lyrics by Jonathan Sta. Rita (interpreter-Tim Pavino), Ikaw Pala-Composition and Lyrics by Wilfredo Gaspar, (interpreter-Ima Castro), Tanging Ligaya-Composition and Lyrics by Angelica Soriano, (interpreter- Zendee), Ang Iyong Pangalan-Composition and Lyrics by Romarico Mendiola Jr., (interpreter-Jovit Baldovino), Patawarin Mo Ako-Composition and Lyrics by Fernando Gardon (interpreter-Kris Lawrence), Araw at Ulan-Composition and Lyrics by Joselito Caleon (interpreter-Sitti), Pag-ibig Ka, Oh Dios-Composition and Lyrics by LJ Manzano, (interpreter-JBK), Mula sa Aking Puso-Composition and Lyrics by Joseph Ponce (interpreter-Carlo David), Kumapit Ka Lang-Composition and Lyrics by Noemi Ocio, (interpreter-Mela), at You Stood By Me-Composition and Lyrics by Vincent Labating, (interpreter-Jason Fernandez).

ALAM MO NA! – Nonie V. Nicasio