Monday , December 23 2024

‘Lumpen’ magiging produktibo sa drug war ni Digong

NAIS ng Palasyo na maging produktibong mamamayan ang mga tinaguriang “lumpen proletariat” kapag lumabas na sila sa rehabilitation center ng gobyerno alinsunod sa ikalawang yugto ng anti-illegal drugs campaign ng administrasyong Duterte.

Sa press briefing sa Malacañang kahapon, sinabi ni Assistant Secretary of the Secretary to the Cabinet Jonas George Soriano, ikinakasa na ang rehabilitation program para sa drug dependents na kasama ang livelihood training upang maging produktibong mamamayan kapag nagbalik sa kanilang pamilya.

Ang ‘lumpen proletariat’ ay termino ng mga Marxista sa mga maralita na sangkot sa gawaing anti-sosyal gaya ng pagbebenta at paggamit ng ilegal na droga, at hindi interesado sa pagsusulong ng pagbabago sa lipunan.

Ani Soriano, nakikipag-ugnayan ang kanilang tanggapan sa Department of Interior and Local Government (DILG) sa kampanya nitong “Masa Masid” katuwang ang Simbahan, at Department of Health para sa isang rehabilitation program.

“One, is being done by DILG, they call it, “Masa Masid.” They are launching a campaign in partnership with the church and the LGUs to work on a rehabilitation program. Kasi they were informed by — during this technical meeting kasama ang DoH. Hindi naman lahat ay ano — ‘yung wala nang pag-asa. I mean, there are, if you take drugs too much naman talaga, after a while wala ka na e. Ang tantiya nila, of course, I don’t know the official figures pero it’s not a big percentage. There are a lot of people that really need treatment and from treatment, how to earn a living,” ani Soriano.

“These rehabilitation centers must be tied up to livelihood initiatives so that gagaling ang tao at ‘pag gumaling, meron siyang gagawin productively. Kasi ang lumalabas, pami-pamilya ang tinatamaan e, so ang need for the integration of livelihood is very important,” dagdag niya.

May non-government organizations (NGOs) din aniya ang nais tumulong sa kampanya ng gobyerno at maging ang pribadong sektor din ay gustong umayuda sa nasabing inisyatiba ng administrasyon.

Tiniyak ni Soriano na hindi maglalaan ng pondo ang gobyerno para sa NGOs upang maiwasan ang korupsiyon.

“Kasi after we’ve already asked them to change, the change cannot happen just by saying, “I surrender.” That’s why the word they’re using is not anymore “surrenderees” e they’re using “surrenderee.” Kasi you’re not trying to change only an action that you do but how do you make them — help them go through new lives,” dagdag ni Soriano.

Nanawagan siya sa publiko na kung gustong makiisa sa kampanya ay makipag-ugnayan sa lokal na pamahalaan, DILG at DoH.

“Kasi in the end, you cannot solve the problem if you cannot also give these people, 700,000. Ang projection 3 million. Three million of, that’s three percent of our 100 million population. What do you do with that? We need the help.That’s why nananawagan din po kami na if you want to help, please contact your LGUs, you contact also DILG, DoH. These are the organizations that are leading it nationally,” wika ni Soriano.

( ROSE NOVENARIO )

About Rose Novenario

Check Also

Muntinlupa

Sa ika-107 Anibersaryo ng Pagkakatatag
MUNTINLUPA NAGDIWANG SA DIWA NG TUNAY NA PUSO NG MAMAMAYAN

IPINAGDIWANG ng Lungsod ng Muntinlupa ang ika-107 Anibersaryo ng Pagkakatatag na isa sa mahalagang okasyon …

122024 Hataw Frontpage

DSWD relief goods inire-repack  
MALABON SOLON, ASAWA, 1 PA INASUNTO SA OMBUDSMAN

HATAW News Team INIREKLAMO sa Office of the Ombudsman sa kasong Qualified Theft at paglabag …

Chavit, umaariba sa poll ratings

HATAW News Team SA PAG-AKYAT ng kanyang grado mula 14.71% hanggang sa 26%, tila naging …

Barasoain Malolos Bulacan

Pamanang kultural ibinida ng Bulacan sa PH Experience Program ng DOT

IPINAGMAMALAKI ang mayaman at makulay na kultura ng Bulacan, ibinida ng mga Bulakenyo ang pamanang …

Listahan ng mga bawal na paputok at pyrotechnic device inilabas ng PNP

Listahan ng mga bawal na paputok at pyrotechnic device inilabas ng PNP

KASUNOD ng inspeksiyon ni PNP Chief P/Gen. Rommel Francisco Marbil sa mga tindahan ng mga …

Leave a Reply

Your email address will not be published. Required fields are marked *