HATAW! D'yaryo ng Bayan hatawtabloid.com
MATAGAL nang takbuhan ni Sexy Star B si Sexy Star A. Sa katunayan, si SS A ang nagbabayad sa upa ng nirerentahang bahay ni SS B. Maging ang gastos sa pagkain ay sinasagot din ni SS A, palibahasa’y mayroon naman silang pinagsamahan bilang magkaibigan.
Kamakailan, ang dating nananahimik na si SS B ay bumulaga sa mga pahayagan. Sangkot kasi siya sa isang napapanahong kaso.
Sa pagkakataon kayang ito’y sumaklolo pa rin kaya kay SS B si SS A? Mukhang malabo na yata itong mangyari.
May kinakaharap din kasing malaking problema si SS A sa kanyang personal na buhay. Ang lalaki kasing tagasagip din niya sa mga pinansiyal na pangangailangan ay posibleng hindi na niya maaasahan pa.
Da who sina Sexy Stars A at B? Itago na lang natin sila sa mga alyas na Lorena Paulate at Marina Selda.
( Ronnie Carrasco III )
