Laarni Enriquez, nais kunin ang kustodiya ni Ellie

SA ngalan ni Cristy Fermin, we want to take credit para sa naisiwalat nang katotohanan as to who’s the real father ng anak ni Andi Eigenmann: si Jake Ejercito at hindi si Albie Casino na una ring pinagdudahan.

Galing ang rebelasyon mula mismo kay Max, kapatid ni Andi, sa programa ni Mo Twister.

Much earlier ay inilabas namin bilang blind item dito sa Hataw ang tungkol sa isang malaking showbiz story na napipintong sumabog anytime.

Para pangalagaan na rin ang karapatan at kapakanan ng walang kamuwang-muwang na bata, editorial prudence ang nagdikta sa amin na huwag pangalanan ang mga taong sangkot sa kuwento. Sa wakas kasi, ang resulta ng DNA test points to Jake as the child’s biological father.

Hindi roon nagtapos ang scoop na ipinarating sa kaalaman namin ni Tita Cristy ng isang kaanak ni Jake. Nais kasi ng kampo nito, most especially his mother Laarni Enriquez, na kunin ang kustodiya ng bata.

Pero pinalagan daw ito ni Andi. Kung kami ang dalawang panig, ang pangunahin naming isasaalang-alang ay ang bata, si Ellie. Mapag-uusapan naman ng mahinahon ang karapatan ng mga magulang nito because at the end of day, kapwa hangad nina Jake at Andi ang bigyan ng magandang kinabukasan si Eli.

HOT, AW! – Ronnie Carrasco III