Drug pusher na konektado kay Kerwin, arestado

NAARESTO ng mga pulis sa Ormoc City ang isang hinihinalang drug pusher na sinasabing konektado kay Kerwin Espinosa, itinuturing na drug lord sa Visayas.

Nadakip si Leonardo Guino sa kanyang bahay sa Brgy. Tambulilid, at nakompiska ang ilang pekete ng hinihinalang shabu, mga drug paraphernalia at .38 kalibreng revolver.

Ang suspek ay kapatid ni Noki Guino, sinasabing matalik na kaibigan ni Espinosa.

Pinaniniwalalang pinag-iwanan ni Espinosa ng shabu ang magkapatid bago magtago at pangalanan ni Pangulong Duterte bilang drug lord.

Sinasabing humalili si Leonardo sa mga illegal na gawain ng kapatid makaraan mapatay nang lumaban sa mga pulis.

Napag-alaman, isang dating sundalong nag-AWOL sa serbisyo si Leonardo at itinuturing ngayon bilang level 1 drug suspect sa Ormoc City.