US citizen timbog sa P16-M Cocaine sa Clark Airport

BUMAGSAK sa kamay nang pinagsanib na puwersa ng mga awtoridad ang isang US citizen makaraan mahulihan ng P16 milyon halaga ng cocaine sa Clark Airport sa Angeles City, Pampanga kamakalawa ng gabi.

Kinilala ng PDEA Region 3 ang suspek na si Alan Sohoo, residente ng New York City, USA, naaresto ng mga tauhan ng CIACDITG, BoC, at PNP Avseg sa nasabing paliparan.

Ayon sa report, bumiyahe mula sa Dubai papuntang Clark via Cebu sakay ng Emirates flight no. 388 si Sohoo.

Nakuha sa pag-iingat ng suspek ang dalawang kilo ng cocaine na nagkakahalaga ng P16 milyon.

Kasalukuyang isinasailalim sa custodial investigation ng PDEA si Sohoo sa Kampo Olivas habang sinusuri ang nakompiskang droga mula sa kanya.

ni RAUL SUSCANO