3 sangkot sa droga napatay (7 arestado)

TATLO katao na may kinalaman sa droga ang napatay habang pito ang arestado sa magkakahiwalay na lugar kahapon.

Agad binawian ng buhay si Renty Sacayan alyas Eway nang pagbabarilin ng hindi nakilalang mga suspek.

Pinasok ang biktima ng suspek sa kanyang bahay sa Pasay City at pinagbabaril.

Sa Quezon City, napatay ng mga pulis si alyas Gary sa ikinasang anti-drug operation.

Nasugatan nang mabaril ng suspek ang katransaksiyon na pulis na si PO2 Andrew Bautista.

Habang namatay nang manlaban si Herbert Bautista alyas Aso ng Parola compound sa Binondo, Manila.

Arestado sa mga pulis sa Marikina City ang 23-anyos na si Leslie Anne Sarmiento dahil sa pagbebenta ng illegal na droga.

Apat katao ang naaresto ng mga pulis sa isang drug den sa Marikina City.

Inaresto ang mag-live in na sina Rolito Devilla at Analyn Geronimo, at ang kanilang customer na si Eugen Estrella at isang 15-anyos na binatilyo.

Dalawang lalaki ang naaresto sa drug-buy bust operation sa Mandaluyong City.

( JAJA GARCIA / LEONARD BASILIO )