HATAW! D'yaryo ng Bayan hatawtabloid.com
NAGING viral sa social media ang mga litrato nina John Lloyd Cruz at Maja Salvador na magkasama sa isang beach sa Davao City kasama ang ilang staff nila.
Iisa ang tanong ng netizens, ‘sina Lloydie at Maja na ba?’
Oo nga pareho naman silang loveless kaya puwede rin naman kaya nagtanong kami sa taga-ABS-CBN tungkol dito.
At ang natatawang sagot sa amin, “Jusko, hindi, mag-tatay ‘yan! Tatay ang tawag ni Maja (Salvador) kay John Lloyd (Cruz).
“Ano ba, wala talaga kasi nakalakihan na ni Maja si John Lloyd na ‘kuya-‘kuya’ talaga kaya imposible talagang mangyari ang iniisip ng lahat.
“At saka iisa ang handler nila, pamilya ‘yan, wala ‘yan,”
Hirit namin sa aming kausap, ‘bakit sina Bea Alonzo at Zanjoe Marudo, iisa rin ang handler pero nagkagustuhan din?’
“Ibang kaso naman ‘yun,” sabi kaagad sa amin.
Dagdag pa, “nakitaan ba ng malisya sina Maja at John Lloyd? At saka kung may something, hindi ‘yan ipo-post, siyempre ililhim nila.”
Samantala, may artistang ka-close ang dalawa kaya tinanong naming ang mga iyon tungkol dito.
“Sina Maja at John Lloyd? Wala, magkaibigan lang sila, may show sila sa Davao, tapos nag-bonding na. Hindi ‘yan, maniwala ka sa akin.
“’Di ba rati nagtanong ka rin tungkol naman kina Bea at John Lloyd kasi laging magkasama after ng break-up nila ni Zanjoe? O, kitam, hindi totoo.
“Si John Lloyd kasi kapag gusto niya ang babae, inaamin niya, eh, si Bea ‘di ba, ilang beses niyang sinabing magkaibigan lang sila? Walang Basha at Popoy talaga.
“O, ngayon, Maja at John Lloyd naman? Ano ito, Popoy and Trisha (role ni Maja sa ‘One More Chance’)?” balik-tanong sa amin.
Sabi pa, “wala sa plano nila ang magdyowa ngayong taon, concentrate lang daw muna sila sa work nila.”
At least maliwanag na walang relasyon sina Maja at JLC as of now, wait na lang natin Ateng Maricris, he, he, he.
FACT SHEET – Reggee Bonoan
