HATAW! D'yaryo ng Bayan hatawtabloid.com
HINDI inaasahan ni Arjo Atayde na mag-uuwi siya ng Best Supporting Actor award mula sa PEPList Year 3 noong Linggo sa Crowne Plaza Hotel dahil pinapunta raw siya ng Star Magic para maging presenter.
At kaya walang idea ang aktor ay dahil wala raw sa list of nominees ang pangalan niya kaya laking gulat niya nang manalo siya.
Pinasalamatan lahat ni Arjo ang mga taong nasa likod ng pagpasok niya sa showbiz at sa huling bahagi ng speech ni Arjo ay inialay niya ang tropeo kay Coco Martin at dito na nagsimulang mag teary-eyed ang aktor.
Kuwento ni Arjo na tatlong taon na ang nakararaan nang magkasama sila sa Star Magic events at habang nakaupo siya sa isang tabi ay dumadaan si Coco kasama ang ilang marshalls at ngumiti sa kanya at binalikan siya sabay sabing, ‘you know what, nagagalingan ako sa ‘yo, one day magkakatrabaho tayo.’
Baguhan palang noon si Arjo at ang una niyang serye ay E-Boy na sinundan ng Dugong Buhay na ito raw ang dalawang seryeng napansin siya ni Coco.
Isang araw ay nakatanggap ng offer ang aktor mula sa Dreamscape Entertainment unit para sa On The Wings of Love, pero nagtaka siya kung bakit tinanggal siya roon at napunta kay Albie Casino ang papel niya.
Kuwento ng aktor, “I don’t know why I was pulled-out, maybe because I gain weight, or maybe my looks or attitude, but I don’t think I had. Then one day they called me up and said I was part of ‘Ang Probinsyano’.
“After 3 years, when I opened the door (story conference), there’s Coco Martin stood up and hugs me and said, ‘this is what I promised to you.’ At dito na napansin ng lahat na namumula na ang mga mata ni Arjo at garalgal na ang boses at sabay sabing, “this is for you (Coco).”
FACT SHEET – Reggee Bonoan
