Karapatan ng kabataan itaguyod — DepEd

MULING inihayag ng Department of Education (DepEd) ang pangangailangan na itaguyod ang karapatan ng mga kabataan sa panahon ng armadong labanan upang matulungan silang agad  makabalik sa normal at ligtas na kalagayan, kasabay ng pagdiriwang ng 2016 International Humanitarian Law Month ngayong Agosto.

Ayon sa DepEd, ang panuntunan para sa proteksiyon na ito at pangangasiwa sa mga kabataan sa panahon ng armadong labanan at iba pang mahihirap na sitwasyon ay nakasaad sa DepEd Order No. 18, s. 2015 o “Guidelines and Procedures on the Management of Children-at-Risk (CAR) and Children in Conflict with the Law” (CICL).

Para sa DepEd, ang mga kabataang namumuhay sa sitwasyon na may nagaganap na armadong labanan “often become victims of compulsory recruitment by armed groups, and are forced to participate directly as combatants or take support roles such as, but not limited to, scouting, spying, sabotaging, acting as decoys, assisting in checkpoints, being couriers, and being used for sexual purposes.”

Bukod sa pamumuhay sa sitwasyon na may armadong labanan, ipinunto ng DepEd, ang mga kabataan na ikinokonsiderang nasa panganib ay kinabibilangan ng mga inabuso, inabandona o pinabayaan, hindi nag-aaral, naninirahan sa mga lansangan, at iba pang mahihirap na kalagayan na naka-aapekto sa kanilang seguridad at kagalingan.

( SIMONA JUDY F. ESTILLERO )