HATAW! D'yaryo ng Bayan hatawtabloid.com
NAGPAPAKUHA ng charter flight si Pangulong Rodrigo “Digong” Duterte para sa mga stranded na overseas Filipino workers (OFW) sa Saudi Arabia upang mabilis ilang makauwi sa bansa.
Ayon kay Presidential Legal Adviser Salvador Panelo, iniutos ni Pangulong Duterte ang mabilisang pagpapauwi sa stranded na OFWs sa Saudi Arabia.
Sa ginanap na cabinet meeting kamakalawa ng gabi, sinabi ng Pangulo, dapat sunduin na ang stranded na OFWs sa Saudi Arabia upang hindi na mapalawig pa ang kanilang paghihirap.
Ayon kay Panelo, ang utos ni Pangulong Duterte kina Presidential Adviser on OFWs, Abdullah Mamao at Labor Secretary Silvestre Bello III ay isama na pauwi ng Filipinas ang mga OFW na nais nang umuwi ng bansa.
( ROSE NOVENARIO )
