HATAW! D'yaryo ng Bayan hatawtabloid.com
PATAY ang isang sanggol at tatlong bata habang apat ang sugatan, nang masunog ang isang residential area sa Sitio Pag-asa, Pasay City nitong Miyerkoles ng gabi.
Ayon sa Bureau of Fire Protection (BFP), ang mga biktima ay kinilalang sina John Derrick Guarino, 8; Aya Shantal Guarino, 5, at Baby Aris Patrick Romano, limang-buwan gulang, at Kim Regene Argarin, 7, pawang residente sa Brgy. 201, Zone 20, Wella Pagasa II, Pasay.
Sinasabing nataranta ang ina ng mga biktimang sina John, Aya at Aris na si Ruby Guarino kaya hindi niya nadala palabas ang mga anak. Ang ginang at tatlong iba pang mga residente ay dumanas ng third degree burns.
Samantala, natagpuan ng Scene of the Crime Operatives (SOCO) ang bangkay ng ika-apat na biktimang si Kim sa hiwalay na lugar.
Nasa 75 bahay ang natupok sa sunog na nagsimula dakong 10:00 pm kamkalawa hanggang umabot sa Task Force Delta.
nina MANNY ALCALA/JAJA GARCIA
