HATAW! D'yaryo ng Bayan hatawtabloid.com
LIMA ang sugatan sa banggaan ng isang SUV at owner-type jeep sa Circumferential Road, Brgy. San Jose, Antipolo City, nitong Sabado ng madaling araw.
Kritikal ang kalagayan ni Ruben Posada na naabutan ng rescue team habang nakahandusay sa kalsada.
Samantala, agad naalis mula sa pagkakaipit sa loob ng Mitsubishi Montero Sport (UUI 797) ang driver nito na kinilalang si Jaime Lontoc.
Ang iba pang nasugatan na sakay ng owner-type jeep ay kinilalang sina Ejay Tanierla, Brento Natividad at ang ang driver na si Jeffrey Lapinig.
Ayon sa imbestigasyon, nakahinto ang owner-type jeep sa gilid ng kalsada para isakay ang mga panindang cheesesticks nang bigla na lang bumangga ang SUV.
Pumaikot-ikot muna ang naturang SUV hanggang tumigil nang nakatagilid.
Halos yumakap ang bumper na bahagi ng owner-type jeep sa poste sa lakas nang pagkakabangga.
Patuloy ang isinasagawang imbestigasyon ng Antipolo police sa naturang insidente.
