HATAW! D'yaryo ng Bayan hatawtabloid.com
MAGAGANAP ang ikaapat at pinaka-kapanapanabik na installment ng critically acclaimed at commercially successful na Gary V Presents series ni Gary Valenciano ngayong weekend, Hulyo 15 at 16 sa Kia Theater, Araneta Center, Cubao, Quezon City.
Itatanghal ang Gary V Presents sa ikaapat na pagkakataon dahil sa insistent public demand at para ipagdiwang ang ika-33 anibersaryo ni Gary sa industriya gayundin ang ika-30 taong anibersaryo ng kanyang management company, ang Manila Genesis Entertainment and Management Inc..
Isang major source of inspiration ang karera ni Gary para sa ‘di mabilang na mga Filipino. Isa siya sa pinaka-impluwensiyal at pinaka-accomplished na musical artist ng bansa. Naghari siya sa pelikula at telebisyon. Isa siyang respetadong product endorser. At na-sustain at lalo pa niyang napalakas ang kasikatan niya sa loob ng mahigit na tatlong dekada.
At bilang pasasalamat sa mga tagahangga ni Gary, inilunsad ng Manila Genesis ang isang napakagandang Gary V memorabilia exhibit sa Activity Center, Level 1 ng Gateway Mall sa Araneta Center, Cubao, Quezon City. Nasa exhibit na ‘yon, na tatakbo hanggang Hulyo 16, ang mga tropeo ni Gary gayundin ang kanyang legendary costumes; magazine covers; concert at movie posters; merchandising materials gaya ng Gary V mugs, t-shirts, at notebooks; never-before-seen photos; vintage vinyl at cassette records, at marami pang iba. Ang mga rare collectible items ay tiyak na kagigiliwan ng kanyang mga tagahangga.
Ang Gary V. Presents concert ay idinirere nina Gary at ng kanyang anak na si Paolo Valenciano at sa musical direction ni Mon Faustino. Tampok dito ang personal choice ni Gary ng mga bagong artists, na kinabibilangan ng The X-Factor Philippines season one top finalist na si Allan Silonga ng all-male vocal group na Daddy’s Home; world music singer na si Bullet Dumas; award-winning theater actress na si Carla Guevara-Laforteza; ang mga mahuhusay na mang-aawit ng The Voice Of The Philippines gaya ng season one grand winner na si Mitoy Yonting, season one grand finalist na si Janice Javier, season one finalist na si RJ Dela Fuente, at season two finalist na si Timmy Pavino; Star In A Million season two grand finalist at R&B singer na si Jimmy Marquez; award-winning recording artist at singer-songwriter na si Kiana Valenciano; at suklay diva at internet sensation na si Katrina Velarde at classical-pop singer na si Lara Maigue na parehong nagbida sa ng top-rating TV series ng TV5 na Trenderas. Ang singer-songwriter naman na si Abby Asistio ang magsisilbing opening act ng konsiyerto.
Ang Gary V Presents ay para sa benepisyo ng scholarship at diabetes programs ng Shining Light Foundation Inc. Para sa mga ticket inquires tumawag sa Ticketworld at 911-5555 o sa 0917-5413389 at (632) 535-0786. Para sa karagdagang impormasyon, bisitahin ang www.garyv.com, i-like ang GaryValencinaoOfficial sa Facebook, sundan ang si Gary sa Twitter (@garyvalenciano1), Instagram (@therealgaryv), at YouTube (Gary Valenciano/Gary V TV); i-like ang ManilaGenesisEM sa Facebook, at sundan ang Manila Genesis sa Twitter (@manila_genesis), Instagram (@manilagenesis), ar YouTube (Manila Genesis TV).
