HATAW! D'yaryo ng Bayan hatawtabloid.com
NAKALIBRE ng promo ang seryeng Born For You kina Kakai Bautista at Cai Cortez sa pelikulang Imagine You & Me dahil binanggit nila ang titulo ng serye nina Elmo Magalona at Janella Salvador na umeere ngayon sa ABS-CBN.
Sinabihan kasi ni Cai si Maine Mendoza na baka nga si Alden ang magiging unang boyfriend niya at sabay sabi ng una kay Maine ng “baka he (Alden) was really born for you.”
Kaya tawanan ang lahat dahil libreng promo raw ito para sa ABS-CBN show.
Speaking of Born For You, tuloy ang pamamayagpagpag nito sa rating games dahil bukod sa nationwide ratings ay umarangkada rin ito sa social media sa pangunguna sa Social WIT List ng worldscreen.com bilang pinaka-pinag-usapang bagong programa sa buong mundo noong buwan ng Hunyo.
Ayon sa World Screen, isang 31-year-old publication na nagbabalita sa media companies sa buong mundo at sumisiyasat ng iba’t ibang global media trends, humakot ng kaliwa’t kanang papuri sa online world ang pagbubukas ng seryeng pinagbibidahan nina Elmo at Janella at nakapagtala ng libo-libong tweets mula sa netizens. Bukod sa Born for You, kasama rin sa listahan ang Adventures in Baby Sitting ng Disney Channel, Greenleaf na produced ng world-renowned host na si Oprah Winfrey, at iba pang palabas mula sa mga bansang UK, Brazil, France, at Turkey.
Huwag palampasin ang teleseryeng magpapatunay na mayroong nakatadhanang tao para sa lahat, ang Born for You, gabi-gabi sa ABS-CBN.
FACT SHEET – Reggee Bonoan
