HATAW! D'yaryo ng Bayan hatawtabloid.com
TATLONG buwang buntis si Mariel Rodriguez-Padilla base sa mensahe niya sa amin noong Sabado bago niya i-announce sa It’s Showtime.
Post ng Misis ni Robin Padilla sa kanyang Instagram noong Sabado, “thank you showtime family!!!!!!! we are going to have a baby!!!!! I’m pregnant!!!! pls include us in your prayers!!!!!! thaaaaaaank you”
Tinanong namin si Mariel habang umeere ang Showtime kung ilang buwan na ang dinadala niya, “3 months, thanks, Regg.”
Samantala, nag-post naman si Robin sa kanyang IG noong Sabado rin habang nasa Showtime siya.
“Bismillah Ano nga ba ang masasabi ko? Siguro unahin ko muna sa inyong lahat. Nais ko magpasalamat sa lahat ng host, staff crew at audience ng Showtime sa pagbibigay ng kaligayahan sa aking Mariel. Dumating kayo sa buhay niya sa oras ng kanyang matinding kalungkutan.
“Naging kayo ang naging hudyat para harapin niya ang umaga ng may ngiti at pag asa, araw araw ala-6 pa lang ready na siyang maging host niyo, kaibigan at kapamilya .Nagsilbi po kayong milagro sa kanya sapagkat ang katotohanan po ay nagkaroon ng posibilidad na hindi na siya magkaroon ng supling.
“Tunay po na nabuntis si Mariel dahil sa Showtime, naramdaman n’ya po ang pag aalaga niyo sa kanya, si Insan Amy (Castillo) na laging may lutong pagkain para sa kanya, si Vice (Ganda) na laging nagpo protekta sa kanya, si Vhong (Navarro) na lagi pinapa-alala ang boses ko, si Billy (Crawford) na nagbigay ng ibat-ibang kulay sa amin, si Anne (Curtis) at Karylle (Yuzon) na naging mapagbigay sa kanya , si Jugz at Teddy sa pag alalay sa kanya , sa lahat ng staff at crew na umaalalay sa maselan niyang pagbubuntis at kay Direk na in-exempt muna sa kanya kapag may principals office at higit sa lahat sa inyo madlang people sa paniniwala sa aking Mariel.
“To make the story short , kayo pong lahat ang nagpupuno ng aking mga pagkukulang sa aking asawa at magiging anak. Kayo pong lahat ang tumayong ama sa oras ng akoy abala sa rebolusyon.
“Hindi ko po aangkinin na ang batang ito ay anak ko lamang sapagkat ang partisipasyon ko sa kanya ay sa sarap lamang, kayo pong lahat ang kasama ng aking Mariel sa kanyang mga sakripisyo sa pagbubuntis na ito kayat mas mamarapatin kong tawagin ang batang ito na Showtime Baby. Muli po tanggapin niyo po lahat ang aking malalim na pasasalamat.”
At dahil Showtime Baby ang tawag ni Robin sa magiging anak nila ni Mariel ay curious kami kung ano ang ipapangalan niya sa bagets.
FACT SHEET – Reggee Bonoan
