Dingdong tinanggap paghingi ng paumanhin ng netizen: maging mas mapanuri

I-FLEX
ni Jun Nardo

TINANGGAP na lang ni Dingdong Dantes ang apology ng isang netizen na nag-post ng statement na sinabi raw niya kay VP Sara Duterte na nakatatakot ‘pag nanalo ito.

Mula sa isang Amy Imperial Ugay ang post na marami ang nagulat.

Kasunod pa ng post umano ni Dong, na nakikita niya kay VP Sara ang tapang talino at abilidad na may kakayahang mamuno gaya ng amang si dating Pangulong Digong Duterte.

Eh mas kilala si Dong na maka-Leni Robredo, huh!  Kaya agad itinanggi ni Dong ang post ni Sugay.

Burado na ang apology ni Sugay. Tanging ang pagtanggap ng Kapuso Primetime King ang nakalabas sa Facebook account niya.

Bahagi ng pahayag ni Dong, “Nawa’y maging mas mapanuri po tayong lahat, lalu na sa misinformation at disinformation… at sa bawat diskurso, piliin sana natin ang respeto sa kapwa Pilipino. Peace!”

Medyo nadaanan namin ang apology ni Sugay. Parang may justification pa siyang lahat daw eh nagpo-post ng katulad ng ginawa niya kaya sumunod din siya.

Forda content at engagement, huh! Very familiar DDS!

Naku, pasalamat siya at matino si Dong, huh!