Nadine wasak sa pagpanaw ni Jane Goodall 

MATABIL
ni John Fontanilla

DUROG ang puso ni Nadine Lustre sa pagkamatay ng iniidolong Primatologist at Anthropologist na si Jane Goodall.

Makikita sa Instagram ni Nadine ang sunod-sunod na posting patungkol kay Jane na isa ring animal lover katulad ng aktres.

Sobrang idolo ni Nadine si Jane, madalas nga nitong i-post sa kanyang social media ang mga interview ni Jane.

Madalas makikitang inire-repost ni Nadine ang mga artikulo tungkol dito, gayundin ang mga interview ng hinahangaang animal lover at isa ring vegetarian katulad ng aktres.

“All animals matter. Every animal is an individual. Just as every human being is an individual and all are deserving of our respect, our compassion and our care.

” I remember when I first learned about intensive factory farming. And I read Peter Singer’s book ‘Animal Liberation.’

“The next time I looked at a piece of meat on my plate I thought this symbolises fear, pain and death and I don’t want to eat that.”

Nagluluksa man ngayon si Nadine sa pagpanaw ni Jane pero tiyak ipagpapatuloy nito ang mga natutunan sa idolo.