Frenshie ido-donate kikitain sa concert

MATABIL
ni John Fontanilla

MATAPANG na hinarap ni Frenchie Dy ang ikatlong atake ng Bell’s Palsy noong nakaraang February 2025 at sa tulong ng therapy ay mabilis namang gumaling.

At ngayon ay handang-handa na ito para sa kauna-unahang major concert sa dalawang dekada niya sa showbiz, ang Here to Staysa Oct. 24 sa  Music Museum. Ididirehe ito ni Alco Guerrero.

Nagsama-sama ang malalapit nitong kaibigan para maging espesyal na panauhin ni Frenchie katulad nina Ice Seguerra, Erik Santos, Sheryn Regis, OJ Mariano (ng The Company), Bituin Escalante, Radha, Ala Kim, El Gamma Penumbra atbp..

Mapapanood sa first major concert ni Frenchie ang kanyang 20-year journey magmula nang tanghaling grand winner noong 2004 ng reality singing competition ng ABS-CBN, ang Star In A Million Second Season.

Part ng kikitain ng concert ni Frenchie ay ibibigay sa mga Bell’s Palsy patients.