Andrea del Rosario, mas mahalagang matokahan ng quality roles

ALAM MO NA!
ni Nonie Nicasio

ANG versatile actress na si Andrea del Rosario ang isa sa tampok sa bagong TV series na “Para sa Isa’t Isa” ng TV5.

Nagkuwento si Ms. Andrea hinggil sa kanilang TV series na tinatampukan nina Krissha Viaje and Jerome Ponce at mula sa pamamahala ni Direk Easy Ferrer.

Aniya, “Ang role ko po rito ay si Dina Magtibay, mom of Zion and Charlie. A loving single mom, masipag, driven…but she’s battling an early onset of Alzheimer.

“Mag-start po itong maipalabas this Saturday and every Saturdays at 5:30pm sa TV5.”

Sina Zion at Charlie ay gagampanan nina Jerome at ng dating child star na si Xia Vigor.

RomCom daw ang serye, ibig bang sabihin ay sasabak siya sa comedy dito?

Esplika ni Ms. Andrea, “It is situational comedy, so iyong script and the story ‘yung nakatatawa not us, not the characters.”

Anong masasabi niya sa lead stars dito and sa kanilang direktor?

“I have worked with them before and I both love them. Very professional and both are very hard working. I know they will go a long way in the business.

“About sa direktor namin dito, isa pa siyang super love ko! You can’t help but love Direk Easy because he is so easy to work with.”

Ito naman ang wish niya pagdating sa kanyang showbiz career.

“Sa rami ng inventory of actors and influencers sa industry ngayon, I long for ‘longevity’ and quality roles, which Viva always make sure to give me. So, I am very lucky in this regard,” masayang pakli ng aktres.

Bukod kina Ms. Andrea, Jerome, Krissha, at Xia, tampok din sa TV series na Para sa Isa’t Isa sina Charles Law, Vandolph Quizon, Francis Magundayao, Paulo Angeles, Anna Luna, Bob Jbelli, Kelley Day, at Bobby Andrews.