HATAW! D'yaryo ng Bayan hatawtabloid.com
IPINAGMAMALAKI ng multi-awarded Filipina actress na si Lovi Poe ang kanyang bagong milestone sa career matapos maging bahagi ng ensemble cast ng Hollywood action-comedy na Bad Man, tampok si Seann William Scott. Gumanap siya bilang Izzy, ang pangunahing babaeng karakter na nagbibigay ng puso at lalim sa pelikula, at nagkaroon ng onscreen romance kay Deputy Sam Evans na ginampanan ni Johnny Simmons.
Ayon kay Poe: “It’s honestly a dream come true to be working alongside such an amazing cast. Bad Man was such a fun movie to be part of—so full of energy, heart, and humor. Mike Diliberti and JJ Nelson did such a beautiful job writing it, and with Mike directing as well, they created something so witty and entertaining. I’m just so happy and grateful to be part of it, and I can’t wait for everyone to watch.”
Ang Bad Man ang directorial debut ni Michael Diliberti (na siyang co-writer kasama si JJ Nelson) tampok din sina Chance Perdomo at Rob Riggle. Produksiyon ito ng Hemlock Circle Productions, Entertainment 360, The Syndicate, SSS Entertainment, at C’est Lovi Productions. Ipinapalabas na ito sa piling sinehan at sa VOD sa Amerika, habang sabik na hinihintay ng mga Pinoy fans ang pagpapalabas nito sa Filipinas.
