HATAW! D'yaryo ng Bayan hatawtabloid.com
ALAM MO NA!
ni Nonie Nicasio
HAPPY si Ejay Fontanilla na kabilang siya sa cast ng pelikulang ‘Bulong ng Laman’. Maganda raw ang timing ng pelikula sa pagpasok ng bagong buwan ng September.
Aniya, “Perfect din ang pasok ng September sa akin, kasi kaka-premiere lang ng movie na Bulong Ng Laman na kasama ako roon.
“Ang role ko rito is si Eric-a (jolly character), wholesome ako rito and I am so happy kasi ipinagkatiwala sa akin ni Direk Roman (Perez Jr.) at Direk Ring ang role na ito sa akin. Also kay Direk Tootoots (Leyesa), he said na sobrang perfect daw sa akin ang role na Eric-a. Kasi, akong-ako raw iyon talaga,” nakangiting esplika ni Ejay.
Dagdag pa niya, “Before ay Tocador ang title nito, pero siguro working title lang iyon… kaya siguro pinalitan ng title para mas catchy and dahil na rin sa mga lead VMX Girls dito.”
Tampok sa Bulong Ng Laman sina Divine Villareal, Aiko Garcia, Lian Rosales, Marco Mora, at Mhack Morales.
Nagpahinga ba siya sa paggawa ng movies?
“Siguro ganoon na nga, kasi physically, I’m not fit. Feeling ko ang taba- taba ko, wala akong diet. Nag-focus ako sa paggawa ng mga content since I’m a content creator talaga. And biglang dumating ang Bulong ng Laman. na na-cast ako one day bago ang shoot. So, feeling ko ang taba ko…
“For now, focus ako as content creator. And work-out everyday para kapag may biglaang projects, ready ako kahit paano,” sambit pa ni Ejay.
Pahabol niya, “September is my birth month and I plan to feed street kids and stray cats/dogs as a campaign for my birthday this year.”
Parang advocacy ba niya ito o every birthday lang? “Actually, every birthday, giveaways lagi sa social media lang. Pero this year, parang feel ko lang na mamigay ng food sa mga street kids and stray cats and dogs.
“Sobrang malapit kasi ako sa mga pusa at aso. Naaawa ako ‘pag may makita akong stray cats, kasi nafi-feel ko ang gutom nila.”
May alaga ba siyang pets? “Yes, two lang talaga ang alaga ko. Isang Shih Tzu (Muffins) at isang cat (Jasmine) na in-adopt ko lang ang pusa.
“Nanghingi ako ng sign if may lalapit sa akin na pusa, na kapag sumipol ako akin na siya. And ayun, wala pang three minutes ay may pumasok sa door ng unit ko. At ayun inalagaan ko na siya. Ako na ang nagrereklamo sa sobrang bait at sweet niya. Mag-a-one year na rin siya sa akin.”
Ano ang kanyang birthday wish? “Hmm, simple lang naman, maging healthy palagi and more blessings na puwede ko pong i-share sa iba,” wika pa ni Ejay.
