Paolo masaya sa mga papuri sa pag-arte

RATED R
ni Rommel Gonzales

BIDA sa drama/romance film na Spring In Prague sina Paolo Gumabao at Czech actress na si Sara Sandeva.

Sa Prague, na pinakamalaking city at capital ng Czech Republic nag-shoot si direk Lester Dimarananat cast niya ng pelikula.

Rito usually sa Pilipinas kapag may pelikula, may romantic scene, mayroong tuksuhan, ligawan na nangyayari, natanong si Paolo kung sa kanila ba ni Sara ay walang ligawan o walang tuksuhang nangyari?

“Wala po, wala po,” bulalas ni Paolo. “We just became really good friends. Kami, ‘yung buong group namin, parang, ano siya eh… yes, romantic ‘yung film, because it’s a story between… ang isang pagmamahalan ng isang lalaki at babae, pero on set, as actors, kami roon, we were experiencing it as a whole.

“So it wasn’t just me and Sara. It was the whole cast, everyone, naging pamilya kami roon. Siguro buong cast, buong production, buong crew, may spark. Ayun po.”

Maraming nagsasabi na mahusay si Paolo sa pelikula.

“Siyempre masaya, pero…ayun masaya lang ako, pero siyempre ano lang ‘yan, pasok sa tenga tapos labas lang sa kabila.

“Kasi lahat ng pelikulang ginagawa natin bilang artista pahirap nang pahirap ‘yan, hindi dumadali ‘yung trabaho. So kahit sabihan ka na, ‘Ang galing mo’, labas lang.

“Pero thank you.”

Ipalalabas ang pelikula bago matapos ang taong 2025.

Bago ito ay umani rin ng papuri si Paolo sa sexy musical play na Walong Libong Piso.