Mia Aquino, okay lang pagpantasyahan ng mga barako 

ALAM MO NA!
ni Nonie Nicasio

ANG sexy actress na si Mia Aquino ay nakagawa ng projects sa AQ Prime, Vivamax, at ngayon ay sa CinePop. Bukod sa pagiging aktres, si Mia ay isang commercial model at theater actor din.

Matatandaang isa siya sa tampok sa pelikulang ‘La Traidora’ ni Direk Alejandro ‘Bong’ Ramos, na gumanap ng daring at challenging na role si Mia.

Ayon kay Mia, nanalo siya ng Best Actress sa Emirates Film Festival 2025 sa Dubai. “Nanalo po kami ni Enzo Pineda, pero sa ibang short film po siya nanalo kasama ako sa, ‘As The Call, So the Echo.’ I won Best Actress last January 18, 2025 sa ‘Isa Sa Isang Daan’, short film ito directed by Leia Reyna Pasumbal.

“I won three Best Actress na po sa international film festival sa short film na iyan,” aniya pa.

Nabanggit din ni Mia ang mga nagawa niyang project sa CinePop. “Bale sa CinePop, nagawa ko rito iyong ‘Biyenan’, ‘Banana Mayo’, ‘Step F–king Mom’ at ‘Home Service’ to be released, with Candy Veloso.”

Mahirap bang maging sexy actress? “Hindi naman mahirap, kasi passion ko yung pagiging actress at be professional sa work.

“Hindi naman po mahirap makipag-love scene kahit maraming tao, kasi sanayan lang naman iyan… lahat kami ay professional sa work, wala po kaming bastusan.” 

Ano ang wish niyang mangyari sa kanyang acting career? “Maging successful actress someday, na makilala tulad ng magagaling na actors.” 

Ano ang reaction niya kung malalamang pinagpapantasyahan siya ng mga barako dahil sa pagiging sexy actress niya?

“Okay lang naman sa akin kung humahanga sila, overwhelmed at thankful ako, dahil ibig sabihin nare-recognized nila ako,” masayang sambit pa ni Mia.