HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
GUSTO na lang magpaka-positibo ng tinaguriang Revival King na si Jojo Mendrez kaya naman sa bawat aspeto ng kanyang buhay wala ng negative na makikita pa.
Sa pagpirma ng kontrata sa Artist Circle Talent Management ni Rams David, isa sa ipinakiusap ng bagong manager na iwan na ang mga kontrobersiyang iniugnay sa kanya. Kaya naman puro positibong balita rin ang ibinahagi ni Jojo.
Kasama sa magandang balita ay ang paglulunsad ng teaser ng upcoming release ng bago niyang kanta, ang revival ng OPM classic na I Love You Boy, na hit song ni Timmy Cruz noong 1987. Talent din ng Artist Circle si Timmy.
At ang I Love You Boy ay planong gawing I Love You Babe ng Star Music kapag ire-release na ni Jojo ito anytime soon.
Kasama rin sa kantang ito ang mga awiting Tuyo Na’ng Damdamin ng Apo Hiking Society (1982), Magkabilang Mundo ni Jireh Lim (2011), Handog (1972) at Sana ni Florante (1983), at ang biggest hit song, ang sarili niyang version ng Somewhere In My Past ng yumaong actress-singer na si Julie Vega noong 1985.
Maganda rin ang naging pagtanggap sa unang original song ni Jojo, ang Nandito Lang Ako composed, arranged and produced by award-winning songwriter-producer na si Jonathan Manalo ng Star Music.
Ire-revive rin ni Jojo ang sarili niyang version ng Tamis ng Unang Halik ni Tina Paner at ang Michael Pangilinan hit track na Pare Mahal Mo Raw Ako na may temang LGBTQIA+.
Ibinalita naman ni Jonathan na tinatapos na niya ang Christmas song na ipakakanta niya kay Jojo. Pinaghahandaan na rin ng Star Music at Artist Circle ang EP (extenday play) ni Jojo na ilalabas bago matapos ang 2025.
At dahil likas ang pagiging matulungin ni Jojo, tuloy pa rin ang pagiging philanthropist na naglilibot siya sa iba’t ibang panig ng bansa para magbigay ng tulong sa mga kababayan nating nangangailangan.
Super klik iyong elevator/escalator na roon din nabuo ang advocacy brand na Super Jojo: Libre Ko Na ‘To. Actually, lumawak pa ito na tiyak na mas marami ang matutulungan.
Ang Libre ko na ‘To ay hindi lamang isang catchphrase – isang itong pilosopiya sa buhay na ipinanganak mula sa sariling mga pakikibaka ni Jojo.
Palibhasa’y lumaki rin sa wala, alam niya kung ano ang ibig sabihin ng pagbibigay nang hindi umaasa ng anumang kapalit.
Sa pamamagitan ng kanyang adbokasiyang, plano ni Jojo na suportahan ang mga mahihirap na komunidad, tulungan ang mga kapwa artista, at palawakin ang kabaitan mula sa malaki at maliit na paraan.
