HATAW! D'yaryo ng Bayan hatawtabloid.com
NANINDIGAN si Senador Bam Aquino na dapat ituloy ang impeachment trial ni Vice President Sara Duterte.
Sinabi ni Aquino, bilang co-equal branch, dapat inirespeto ng Korte Suprema ang mandato at kapangyarihan ng Senado na magsagawa ng impeachment trial.
“Bilang co-equal branch, malinaw ang mandato ng konstitusyon at kapangyarihan ng Senado, kaya nararapat na irespesto ang proseso ng impeachment,” wika ni Aquino.
“Nananawagan ako sa mga kapwa Senador na agad magsagawa ng caucus para talakayin ang desisyong binabalewala ang aming tungkulin sa Saligang Batas,” dagdag niya.
Bago rito, nagpahayag ng kahandaan si Aquino na gampanan ang papel bilang senator-judge.
“Sa prosesong ito, titiyakin nating mananaig ang ating mga batas at kapakanan ng ating mamamayan,” wika ni Aquino sa isang Facebook post.
Sa hiwalay na post, sinabi ni Aquino na komunsulta na siya sa mga abogado at mga eksperto bilang bahagi ng kanyang preparasyon para sa pagdinig.
“Sumangguni sa ilang kaibigang abogado at eksperto upang magkonsulta at paghandaan ang nalalapit na impeachment trial at ang responsibilidad bilang senator-judge,” pahayag ni Aquino.
