HATAW! D'yaryo ng Bayan hatawtabloid.com
MATABIL
ni John Fontanilla
PROMISING ang isa sa cast ng advocacy film na Ako Si Kindness na pinagbibidahan ni Marianne Bermundo na si Christopher Encarnacion.
Bago man sa showbiz ay mahusay itong umarte, guwapo, at desidong makilala sa mundo ng showbiz.
Kuwento nga ni Christopher na nag-audition siya para mapasama sa cast ng Ako Si Kindness.
“Bale nalaman ko po na may audition para sa advocacy film na ‘Ako Si Kindness,’ kaya naman nag-try ako kasi matagal ko ng gustong mag-artista.
“Bale first time ko po mag-audition sa isang movie project kaya medyo kabado ako, masuwerte po na natanggap ako at ibinigay sa akin ‘yung role ni Chris na isang bully sa movie.”
Masaya nga ito at nakasama siya sa isang pelikula na may adbokasiya at may iiwang leksiyon sa mga manonood.
“Super happy po ako and it’s an honor po na makasama sa isang PWD movie, and it’s about din po ito sa mental health problem na movie and series, at marami pong matututunan ang mga taong manonood ng movie.”
Idolo naman nito at inspirasyon sa pagpasok sa showbiz sina Donny Pangilinan, Kokoy De Santos, Miguel Tanfelix, at Anton Vinzon, habang sina Sanya Lopez, Gabbi Garcia, at Glaiza De Castro ang mga hinahangaan nitong artistang babae.
“Ang mga idol at ginagawa ko pong inspiration talaga na artist ay sina Donny Pangilinan, Kokoy De Santos, Miguel Tanfelix, at Anton Vinzon, dahil pare-pareho silang mahuhusay na artista.
“Sa babae naman po sina Sanya Lopez, Gabbi Garcia, at Glaiza De Castro, bukod sa mga napakagaling umarte ay super lakas po ng dating.”
Wish nga nito na sana ay magkaroon siya ng pagkakataong makatrabaho ang hinahangaang artista sa mga susunod niyang gagawing proyekto.
Ilan sa nga baguhang nakasama ni Christopher sa Ako Si Kindnes sina
Jhonrey, Siegfreid, Carl Ibanez, Frank Arcalas, Charles Vinsanity, at Matthew Joaquin Chen.
Ang Ako Si Kindness ay pinagbibidahan ni Marianne Bermundo with Rubi Rubi, Patricia Ysmael, Miles Poblete, Cye Soriano, Kween Buraot, Dave Gomez, Jenny Lin Ngai, at Wiliam Thio, sa direksiyon ni Crisaldo Pablo. Hatid ng Love life Project in cooperarion with Best Magazine ni Richard Hin̈ola, RDH Entertainment Network and Yeaha Channel.zon City Memorial Circle.
