Maestro Vehnee Saturno proud sa SB 19 at Bini

MATABIL
ni John Fontanilla

OKEY lang kay Maestro Vehnee Saturno kung ang ibang mga baguhang singer ay ginagaya ang tunog sa pagkanta ng mga sikat na singer tulad ni Moira Dela Torre.

Ayon sa award winning composer at owner ng Vehnee Saturno Music, “Well hindi natin maiiwasan kasi everyone ay nag-iisip what should be the direction of type of songs na gagawin niya at ire-record.

“And she was (Moira) very lucky at tinamaan niya ‘yung tunog na ganoon and everybody especially ‘yung mga teen girl artist they want like to be Moira, ‘yung kanilang tunog.

“Ako hindi ko sila masisisi and it’s always the industry, sila ‘yung nag-a-accept ng music, na kung bakit sila rin ‘yung nagpapasikat.

“So, ‘yung nakikinig, ‘yung music industry counts a lot kung sino ang gagawin nilang sikat.

“Ang good example ‘yung Bini, they started 2021 matagal na, halos susuko na ‘yung mga ‘yan because dumaan ‘yung pandemic mahirap, pero talagang kapag mayroong talent, ‘yung mayroong laman ‘yung artist, talagang tatamaan ‘yan (sisikat).

“Ako proud to say na being Filipino may katulad ng Bini at SB 19 na naka-penetrate not only here in the Philippines but in the international market,” paliwanag ng magaling na kompositor.

Dagdag pa nito, “Well, copying is not exacly copying kasi but ‘yung tinatawag na trend is hindi mo maiiwasan, pero ayoko ng exactly the same, pero siguro a flavor of something like sound something like what, it should be what you create or write another song sa artist, dapat mayroon siyang sariling identity.

“Like ‘yung kanta naming ‘My Boy ni Shane,’ wala naman kaming katulad o pinaggayahan, so ibig sabihin iniisip namin mabuti na mao-own ng artist ‘yung song na ire-record,” giit pa ni Maestro Vehnee.