Grupong VVINK pang-international ang dating 

MATABIL
ni John Fontanilla

FULL packaged  ang newest Ppop all female group na VVINK na alaga ng FlipMusic Productions na dalawang taon ay naging pagsasanay para maging mahusay na performer.

At sa kanilang debut showcase, media launch, at launching ng kanilang  debut single na Tulala na ginanap sa Club Hype sa Quezon City nitong Huwebes, July 10 ay napahanga kami sa galing nilang sumayaw at kumanta.

Ang VVINK ay kinabibilangan nina Angelika (leader), Jean (main vocalist), Ayaka (main rapper), Odri(main dancer), at Mariel (all-rounder) na nagmula sa iba’t ibang singing contests at talent reality competitions.

Kaya naman thankful ang members ng VVINK sa FlipMusic Productions CEO Jeli Mateo at Head Producer Jumbo “Bojam” De Belen sa pagkakataon, tiwala, at suporta sa kanilang grupo.

Bukod sa kanilang debut single ay nakatakda rin nilang ilunsad ang kanilang first album na naglalaman ng ten original songs tulad ng Kalawakan, Extra Time, Hiraya, Silakbo, NingNing, Alon, Sa Iyo Talaga, Palagi, Kidlat , at Ichigo Girl.

May kanya-kanya silang solo songs.

Katulad ng BINI at SB19 ay malaki rin ang tsansang maka-penetrate sa international music ang grupong VVINK.

Ang mga awitin ng VVINK ay available na sa Spotify at sa ibang digital streaming app worldwide.