Will at Ralph malaki ang tsansang maging PBB Big Winner

MATABIL
ni John Fontanilla

HINDI pa man natatapos ang PBB Collab na sa July 5 ang final night na gagapin sa New Frontier Theater, may mga nagsasabi na ang tambalang Will Ashley at Ralph  De Leon ang tatanghaling Big Winner at mag-uuwi ng P1-M cash prize.

Mayroon namang mga nagsasabi na hindi man daw tanghaling Big Winner sina Ralph at Ashley ay tiyak na kaliwa’t kanan ang proyektong gagawin ng mga ito.

Katulad na lang ni Will na bago pa man pumasok sa Bahay ni Kuya ay may pelikula nang gagawin, ang sequel na Bar Boys After School.

Gagampanan dito ni Will ang role ni Arvin, working student na naka-enroll sa law school.