Concert ng Magic Voyz sa Viva Cafe punompuno

MATABIL
ni John Fontanilla

JAMPACKED ang Viva Cafe noong Linggo ng gabi (June 29) sa  concert ng all male group na Magic Voyz na alaga ng Viva  Records at ng LDG Productions nikaibigang Lito de Guzman.

Opening medley songs palang ng  Magic Voyz ay talaga namang pasabog na at talaga namang humataw ng bonggang-bongga ang grupo.

Sa mismong concert din ng Magic Voyz ibinigay sa grupo ang kanilang tropeo bilang Asia Pacific Topnotch Men and Women Achievers Award Male Singing Group of the Year.

Hindi naman nagpahuli at humataw din sa kani-kanilang performance ang mga special guest ng Magic Voyz ang Cebuana Twins (Shiela and Shiena), Meggan Marie, Miia Bella, VMX Hotties na sina Karen Lopez, Paula Santos, Margaret Sison, at Yda Manzano. 

Ang Magic Voyz ay kinabibilangan nina Jhon Mark Marcia, Mhack Morales, Rave Obado, Jace Ramos, Ian Briones, Johan Shane, Asher Bobis, at  Jorge Guda.

At sa August 23, 2025 ay magkakaroon ito ng show sa Waterworld Cebu Mandaue City with Elias JTV, Cebuana Twins, Atty. Salvador Panelo, at Elias Band.