HATAW! D'yaryo ng Bayan hatawtabloid.com
NAIS ni Manila Mayor Francisco “Isko Moreno” Domagoso na magdeklara ng ‘state of health emergency’ dahil sa mga pulu-pulutong na gabundok na basurang iniwan ni dating Manila mayor Honey Lacuna sa iba’t ibang lugar sa Maynila.
Sa kanyang unang araw ng pagbabalik sa city hall, sinabi ni Isko na bumungad sa kanya ang reklamo na patuloy ang paglala at pagdami ng mga basura na hindi nakokolekta kaya hihilingin niya sa City Council na ipasa ang state of health emergency.
Lumilitaw na hindi nakolekta ang mga basura dahil sa utang ng city hall sa pamumuno ni dating mayor Maria Sheilah “Honey” Lacuna na P561 milyon sa Leonel at P950 milyon sa MetroWaste Solid Waste Management Corporation at Phil. Ecology Systems Corp.
Ayon kay Mayor Isko, hindi biro ang panganib na posibleng idulot ng basura sa pamumuhay, kapaligiran at kalusugan ng mga taga-Maynila.
Ani Isko, tulad ng kanyang pangako, haharapin nila ang problema sa Maynila partikular ang isyu ng basura.
Sa kanyang unang araw ng pagbabalik sa city hall, sinabi ni Isko na bumungad sa kanya ang reklamo na patuloy ang paglala at pagdami ng mga basura na hindi nakokolekta kaya hihilingin niya sa City Council na ipasa ang resolusyon na magdeklara ng state of emergency.
Ayon kay Isko, hindi biro ang panganib na posibleng idulot ng basura sa pamumuhay, kapaligiran at kalusugan ng mga taga Maynila.
Aniya, tulad ng kanyang pangako, haharapin nila ang problema sa Maynila partikular ang malaking isyu ng basura. (HATAW News Team)
