HATAW! D'yaryo ng Bayan hatawtabloid.com
MATABIL
ni John Fontanilla
EXCITED at handang-handa na ang singer na si Poppert Bernadas sa kanyang nalalapit na concert sa Music Musuem sa July 12, 2025, ang Solo Pop.
Ani Poppert nang makausap namin sa soft opening ng coffe shop ni Jovan Dela Cruz, ang WazzUp Brew sa Maceda, Espana kamakailan, “Sobrang excited na nga ako sa aking ’Solo Pop’ concert sa Music Museum this coming July 12.
“Sa ngayon ay puspusan na ‘yung pag-eensayo ko ng mga song na kakantahin ko sa concert.”
After two years ay muling babalik sa Music Museum si Poppert para sa kanyang solo concert.
“’Di ko nga ini-expect na magkakaroon ako ulit ng solo concert sa Music Museum, dahil natupad na ‘yung dream ko na makapag-perform sa Music Museum noong first concert ko.
“Kaya naman nagpapasalamat ako unang-una kay Lord, sa mga blessing na ibinibigay sa akin gayundin sa aking pamilya at mga taong patuloy na sumusuporta at naniniwala sa aking kakayahan bilang sinnger/performer.”
Ang Solo Pop ay ididirehe ni Mikko Angeles at si Gino Cruz naman ang Musical Director.
Ani Poppert, “Ito na ngaaaa!!!! after 2 years, I’m so happy to be back at the Music Musuem, sobrang special ang concert na ito sa akin kaya tara samahan niyo ako!!!”
