Mikee ipinagmalaki pagtatapos ng Architecture sa UST

I-FLEX
ni Jun Nardo

NAKATAPOS  na sa wakas ang Sparkle artist na si Mikee Quintos sa kursong Architecture sa University of Santo Tomas.

Buong ningning na ipinagmalaki ni Mikee ang litrato niyang nakasuot ng toga na patunay na officially graduated na siya.

Take note na kahit inabot ng sampung taon bago niya natapos ang kurso, kahanga-hangang natapos niya ang kolehiyo kahit pinagsabay ang showbiz at studies.

Makikita sa graduation video ni Mikee sa kanyang Facebook ang masayang pagmartsa sa stage at pagkaway sa co-graduates sa UST.

Wala man sa buhay ni Mikee ang BF na si Paul Salas, isang degree naman ang naging kapalit nito sa Sparkle artist.

Congratulations, Mikee!