Teves balik-hoyo kapag naka-recover at magaling na

IBABALIK sa detensiyon si dating Negros Oriental Representative Arnolfo Teves, Jr.

               Iyan ay pagkatapos maka-recover o makapagpagaling sa ospital, tiniyak ito ni Department of Interior and Local Government (DILG) Secretary Jonvic Remulla sa kabila ng mga pangamba at agam-agam na tatakas ang akusado matapos ang kanyang operasyon.

“Sinisigurado kong hindi siya makatatakas sa hustisya kung sabihin niya ang kahit anong excuses,” ani Remulla sa paglulunsad ng National Forensics Institute sa University of the Philippines sa Maynila.

Kasalukuyang naka-confine sa Philippine General Hospital (PGH) si Teves dahil sa appendectomy emergency ay nahaharap sa kasong multiple murder kaugnay ng pagpaslang kay Governor Roel Degamo at siyam na iba pa noong Marso 2023.

Tiniyak din ng Bureau of Jail Management and Penology (BJMP) na sinusunod nila ang lahat ng detention protocols.

Nakatakda sa 26 Hunyo ang arraignment ng dating kongresista.