HATAW! D'yaryo ng Bayan hatawtabloid.com
MATABIL
ni John Fontanilla
ISANG malaking karangalan para kay Ralph Dela Paz ang award na natanggap sa katatapos na Asia Pacific Topnotch Men and Women Achievers Award 2025 na ginanap sa Teatrino Promenade Greenhills, San Juan City kamakailan.
Hinirang itong Outstanding Young Actor of the Year. Ito ang kauna-unahang award na nakuha ni Ralph simula nang pinasok ang pag-aartista.
Ayon kay Ralph, “Isang karangalan po ang mabigyan ng award bilang young actor of the year. Ito ang aking unang award. Isa rin po ito sa pinaka-highlight na achievement ko ngayong 2025.”
Dagdag pa nito, “Gusto ko pong magpasalamat sa Asia Pacific Topnotch Men And Women Achievers at sa lahat ng bumubuo nito.”
Nagpasalamat din ito sa founder nito at director ng advocacy film na Arapaap na si Direk Romm Burlat.
“Maraming salamat din po kay Direk Romm sa oportunidad na maging lead actor at mapasama sa cast ng ‘Arapaap’.”
Ibinahagi nito ang kanyang award sa Poong Maykapal at sa kanyang pamilya.
“Inaalay ko po ang award ko na ito sa family ko na nakasuporta palagi sa akin at kay God na gumawa sa ating lahat.”
Mapapanood si Ralph sa Batang Quiapo bilang best friend ni Albie Casino at sa advocacy film na Aking Mga Anak ng DreamGo Productions.
