HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MAPAPANOOD na simula ngayon (May 28, Wednesday) sa inyong mga paboritong sinehan ang pelikulang “Isang Komedya sa Langit” (A Comedy in Heaven).
Ang istorya nito ay ukol sa tatlong pari na galing sa year 1872, na nang nagkaroon ng eclipse ay nag-time travel sa present time.
Tampok dito ang acclaimed actor na si Jaime Fabregas sa papel na Father Emanuel Garcia. Co-stars sa pelikula sina EA Guzman as Father Juan Borromeo, Gene bilang si Father Javier Salas, John Medina as Father Paolo Pascual, at Aki Blanco as Brother Marco. May special appearance dito si Carmi Martin, sa papel na Lola Naty.
Directed by Roi Calilong and written by Rossana Hwang, makikita sa pelikula ang joy of lighthearted storytelling and the power of connection. Isa itong kakaibang drama-comedy na aantig sa mga manonood.
Ayon sa lady boss ng naturang movie company na si Ms. Rossana, concept niya ito at nagdesisyon siyang gawin ang pelikula dahil naniniwala siya sa proyekto. Ang pelikula ay inspired by Ms. Rossana’s book, “The Lost Saints”.
Sa advance screening nito ay full support ang pamilya at mga kaibigan ni Ms. Rosanna kaya nagpasalamat siya sa lahat ng nagpunta at sumuporta sa kanyang movie. Nabanggit din niya rito na, “Ang Tunay na pagbabago ay magsisimula sa bawat Filipino.”
Ang Isang Komedya sa Langit ay rated GP, kaya sinisiguro nito ang isang family-friendly experience sa lahat ng viewers of all ages. (30)
